આમોદ પોલીસે આછોડ સ્મશાન પાસે ખુલ્લામાં રમાતો જુગાર ઝડપી પાડયો.

આમોદ પોલીસે મળતી બાતમીનાં આધારે આછોડ સ્મશાન પાસે ખુલ્લી જગ્યામાં જુગાર રમતા 7 જુગારીઓને ઝડપી પાડયા હતા. જેમાં રોકડા નાણાં અને એક રિક્ષા, બે મોટરસાયકલ મળી કુલ 1,75,000 કરતાં વધુની મત્તા જપ્ત કરી હતી. આ અંગેની વિગત જોતાં ભરૂચ જીલ્લા પોલીસ વડા રાજેન્દ્રસિંહ ચુડાસમાની સૂચના અનુસાર આમોદ પોલીસનાં પી.એસ.આઇ. કે.એચ. સુથારે બાતમીનાં આધારે આછોદ સ્મશાન નજીક ખુલ્લી જગ્યામાં પત્તા-પાનાનો જુગાર રમતા જુગારીઓને ઝડપી પાડયા હતા. ઝડપાયેલ જુગારીઓમાં 1) ઐયુબ અબ્દુલ કડુજી વોરા પટેલ 2) અબ્દુલ રહેમાન મહમદ શેખ 3) જુબેર અબ્દુલ્લા જેકા વોરા પટેલ 4) મુનીર મુસા એહમદ મોજીયા 5) ગુલામ હસન મુસા 6) અહમદ હુશેન અલી મકુ 7) હુજેફ ઇબ્રાહિમ શાકરિયા નાઓને ઝડપી પાડયા હતા. જુગારની અંગ ઝડતીનાં તેમજ દાવ પરના રોકડા રૂ.13,510, મોબાઈલ ફોન નંગ 7, 1 રિક્ષા અને 2 મોટરસાયકલ મળી કુલ 1,75,010 ની મત્તા જપ્ત કરવામાં આવી હતી.