ભારતીય બનાવટનાં ઇંગ્લિશ દારૂનો ગણનાપાત્ર કેસ શોધી કાઢતી અંકલેશ્વર પોલીસ.

ભરૂચ શહેર પોલીસ વિસ્તારમાંથી મળેલ બાતમીનાં આધારે ભરૂચ જીલ્લા પોલીસવડા રાજેન્દ્રસિંહ ચુડાસમાની સૂચના અને પી.આઇ.સિસોડિયાનાં માર્ગદર્શન હેઠળ વિદેશી દારૂનો જથ્થો મળેલ બાતમીનાં આધારે માંડવા ગામની સીમમાંથી ઝડપી પાડવામાં આવ્યો હતો. આ વિદેશી દારૂનો જથ્થો ઝાડીમાં છુપાવવામાં આવ્યો હતો. આ અંગે ઈશ્વર શનભાઈ વસાવા રહે.નવીનગરી અમરતપુરા અંકલેશ્વર તેમજ વોન્ટેડ આરોપીઓમાં 1) આશિષ સુભાસભાઈ વસાવા 2) અનિલ જગદીશ વસાવાને જાહેર કરવામાં આવેલ છે. પોલીસે ઝડપેલ ભારતીય વિદેશી ઇંગ્લિશ દારૂની નાની મોટી બોટલો અને બીયરનાં ટીન નંગ 204 કિં.રૂ.28,800 જપ્ત કરવામાં આવેલ છે.