ભરૂચ : ત્રણ કૃષિ બિલ રદ કરવાની માંગ સાથે કોંગ્રેસ આક્રમક : કૃષિ બિલની હોળી કરવા જતાં પોલીસે કરી કાર્યકરોની અટકાયત જાણો વધુ..!!

ભરૂચ જિલ્લા કોંગ્રેસ સમિતિ દ્વારા વર્તમાન મોદી સરકાર દ્વારા ખેડૂતો પર લાદવામાં આવેલ ત્રણ કૃષિ કાયદાઓને રદ કરવાની માંગ સાથે ખેડૂતોના સમર્થનમાં તબક્કાવાર કાર્યક્રમોનું આયોજન કરવામાં આવ્યું છે,જેના ભાગરૂપે આજરોજ જિલ્લા કોંગ્રેસ સમિતિના કાર્યાલય ખાતે પોલીસ અને કાર્યકરો વચ્ચે ઘર્ષણ સર્જાયું હતું.

યુવા કોંગ્રેસના પ્રમુખ શેરખાન પઠાન, એન.એસ યુ આઈ પ્રમુખ યોગી પટેલ,સહિતના કોંગ્રેસના કાર્યકરો કાર્યલાય બહાર ત્રણ કૃષિ કાયદાના બિલ સળગાવી હોળી કરતા કાર્યકરો અને પોલીસ વચ્ચે એક સમયે ઘર્ષણ સર્જાયું હતું.

પોલીસે વિરોધ કરી રહેલા કોંગી કાર્યકરોની અટકાયત કરી હતી,તો બીજી તરફ કોંગ્રેસના કાર્યકરોએ પણ ભારે સૂત્રોચ્ચાર કરી કૃષિ બિલ રદ કરવાની માંગ ઉચ્ચારી હતી..!!