આગામી ૨૮ મી ફેબ્રુઆરીનાં રોજ યોજાનારી સ્થાનિક સ્વરાજ્યની ચૂંટણીઓ સંદર્ભે પાલેજ પોલીસ મથકમાં કોંગ્રેસ તથા ભાજપ પક્ષના ઉમેદવારો તેમજ નગરનાં આગેવાનો સાથે ભરૂચના નાયબ પોલીસ અધિક્ષક વિકાસ સુંડાની અધ્યક્ષતામાં એક મીટીંગ યોજાઇ હતી.
નાયબ પોલીસ અધિક્ષક વિકાસ સુંડાએ આગામી તાલુકા – જિલ્લા પંચાયતની ચૂંટણી શાંતિપૂર્ણ રીતે સંપન્ન થાય એ માટે જરૂરી સૂચનો કર્યા હતા.વધુમાં તેઓએ પોલીસ તંત્રના સહકારની પણ ખાત્રી ઉચ્ચારી હતી અને ખાસ કરીને આચાર સંહિતાના નિયમોનું પાલન કરવા તેમજ ખેલદિલીથી ચૂંટણી લડવા બંને પક્ષોના ઉમેદવારોને ખાસ અનુરોધ કર્યો હતો. આયોજિત મિટિંગમાં કોંગ્રેસ તથા ભાજપાનાં ઉમેદવારો તેમજ નગરજનો ઉપસ્થિત રહ્યા હતા.
યાકુબ પટેલ : પાલેજ
Advertisement
