કોરોના સામે લડવા તમામનું રસીકરણ જ એકમાત્ર ઉપાય છે. સરકાર દ્વારા વેક્સિનેશન માટે પ્રાઈવેટ સેન્ટરને લીલીઝંડી અપાયા બાદ જુબિલન્ટ દ્વારા તાત્કાલીક તૈયારી શરૂ કરી દેવાય હતી. જુબિલન્ટ દ્વારા પ્રાઈવેટ કોવિડ વેક્સિનેશન સેન્ટર માટે જિલ્લા આરોગ્ય વિભાગ પાસે મંજૂરી મેળવીને કંપનીના કર્મચારી તેમજ તેમના પરિવારના સભ્યો માટે બે દિવસ વેક્સિનેશન કરાયુ હતું.
પ્રાઈવેટ વેક્સિનેશન સેન્ટર માટે ભારત સરકારની ગાઈડ લાઈન મુજબ તમામ નિયમોનું પાલન કરી વેક્સિનેશન હાથ ધરાયુ હતું. વિલાયત જીઆઈડીસીમાં આવેલી જુબિલન્ટ ઈન્ફ્રાસ્ટ્રકચર એસઈઝેડ અને ભરૂચ જીઆઈડીસીમાં આવેલ સ્કીલ અપગ્રેડેશન સેન્ટર ખાતે બે દિવસીય વેક્સિન ડ્રાઈવ કરી હતી. એપોલો હોસ્પિટલ અમદાવાદના સહયોગથી યોજાયેલ આ બે દિવસીય વેક્સિનેશન પ્રોગ્રામમાં કંપનીના કર્મચારીઓ અને તેમના પરિવારના સભ્યોને કોરોનાની રસી અપાઈ હતી
Advertisement
