સુરત સિવિલ હોસ્પિટલના ટ્રોમાં સેન્ટરમાં દારૂના સેમ્પલ માટે લવાયેલા અડાજણ પોલીસ સ્ટેશનનો એક આરોપી બાથરૂમની બારી ના કાચ તોડી ભાગી જતા પોલીસ દોડતી થઈ ગઈ હતી.
આરોપીને લાવ્યા બાદ એને કુદરતી હાજતે જવાની વાત કરતા બાથરૂમમાં લઈ જવાયો હતો. અંદરથી દરવાજો બંધ કરી આરોપીએ બાથરૂમની બારીના કાચ તોડી નાનકડી બારીમાંથી ભાગવામાં સફળ રહ્યો હતો. બારીમાંથી કૂદી માર્યા બાદ આરોપી સિવિલ હોસ્પિટલની દીવાલ ઓદગી રીગરોડ તરફ નીકળી ગયો હતો. જાણ થયા બાદ પોલીસ કર્મચારીઓ પકડવા દોડ્યા પણ હતા.
પોલીસ કર્મચારી એ જણાવ્યું હતું કે બે આરોપી પૈકી રવિ નામનો આરોપી ભાગી ગયો છે જે બાબતે પોલીસ સ્ટેશનમાં જાણ કરી છે. સાથી આરોપીએ પોતાનું નામ મનોજ પટેલ બતાવ્યું હતું અને દારૂ પીધેલી હાલતમાં પકડાયા હોવાનું જણાવ્યું હતું. હાલ અડાજણ પોલીસ સ્ટેશનના કર્મચારી ની કસ્ટડી દરમિયાન સિવિલમાંથી આરોપી ભાગ્યો હોવાનું સામે આવ્યું છે.
