ભરૂચ જિલ્લાના રાષ્ટ્રીયકૃત બેંકનાં કર્મચારીઓ આજે તા. 16/12/21 થી બે દિવસ સુધી કામકાજથી અળગા રહેશે. બેંકોનાં કર્મચારીઓની આ બે દિવસની હડતાળના પગલે ભરૂચ જિલ્લામાં કરોડો રૂપિયાનું ટર્ન ઓવર ઠપ્પ થઈ જશે. આ અંગે બેકના કર્મચારીઓના આગેવાનોના જણાવ્યા મુજબ બેંકોના ખાનગીકરણ અંગે સરકાર વિચારણા કરી રહી છે તેની સામે આ હડતાળ કરી કર્મચારીઓ વિરોધ નોંધાવી રહ્યા છે. સાથે જ કર્મચારીઓના આગેવાનોએ એમ પણ જણાવ્યું કે બેંકો નફો કરી રહી છે પરંતુ સરકાર દ્વારા એન પી એ થયેલ ધિરાણના કેસો અંગે જે નિર્ણય લેવાઈ રહ્યા છે જેના પરિણામે બેકિંગ ક્ષેત્રની આ પરિસ્થિતિનું સર્જન થયું છે.
Advertisement
