અંકલેશ્વરના યુવાનને પતંજલિ કંપનીમાં નોકરી અપાવવાના બહાને ઠગે રૂપિયા ૩૩ હજારથી વધુની છેતરપીંડી કરતા પોલીસ ફરિયાદ નોંધાવવા પામી છે.

દિનેશભાઇ અડવાણી

પ્રાપ્ત માહિતી અનુસાર અંકલેશ્વર શહેરમાં રહેતા ઉમેશચંદ્ર સુરેશચંદ્ર મિશ્રાએ અખબારી જાહેરાતના આધારે રાજ મલ્હોત્રાનો સંપર્ક કરી પતંજલિ કંપનીમાં એસ.એમ.એસ.જોબ માટે અરજી કરી હતી.રાજ મલ્હોત્રાએ ઉમેશચંદ્ર સુરેશચંદ્ર મિશ્રાને ગત તારીખ ૨૭-૫-૧૯ ના રોજ ફોર્મની કોપી મોકલી અરજી કરવાનું કહેતા તેણે અરજી કરી પ્રથમ ફી પેટે ૨૧૫૦ ભર્યા હતા.જે બાદ અલગ અલગ રીતે એસ.બી.આઈ.બેંક ખાતાના આધારે ઉમેશચંદ્ર મિશ્રાએ ૧૦૨૦૦ અને ૧૫૫૦૦ મળી કુલ ૩૩,૯૫૦ જમા કરાવ્યા હતા.જે બાદ રાજ મલ્હોત્રાએ ગલ્લા-તલ્લા કરતા તેઓ સાથે છેતરપીંડી થઇ હોવાનું માલુમ પડતા તેઓએ રાજ મલ્હોત્રા વિરુદ્ધ અંકલેશ્વર પોલીસ મથકે ફરિયાદ નોંધાવી છે.