અંક્લેશ્વરના બાકરોલ ખાતે આવેલ એસીયન માર્કેટની બાજુ મા આવેલી ખુલ્લી જગ્યા મા આગ ભભુકી ઉથતા દોડ્ધામ મચી જવા પામી હતી. પાનોલી ફાયર બ્રીગેડના જવાનોએ દોડી આવી આગ પર કાબુ મેળવ્યો હતો.
બાકરોલના એશિયાને માર્કેટની બાજુમાં ખુલ્લી જગ્યામાં પ્લાસ્ટિક બેગ તેમજ લાકડાનો મોટો જથ્થો પડ્યો હતો. તેમાં અગમ્ય કારણોસર એકાએક આગ ભભૂકી ઉઠતા ગભરાહટ સાથે દોડધામ મચી જવા પામી હતી. આગની જાન થતા પાનોલી ફાયર બ્રિગેડના જવાનોએ ફાયર ટેન્કર સાથે દોડી આવી આગ પર ભારે જહેમત બાદ કાબુ મેળવ્યો હતો. જેના પગલે આસપાસના ગોડાઉન માલિકોના શ્વાસ હેઠા બેઠા હતા.
આગના પગલે જીપીસીબી ની ટીમ પણ દોડી આવી હતી અને સંતોષ ગુપ્તાની માલિકીની આ જગ્યામાં કચરો નાખવામાં આવ્યો હતો જ્યાં આગ લાગતા રહસ્ય સર્જાવા પામ્યું હતું.
અંકલેશ્વરના અંસાર માર્કેટ તેમજ નોબલ માર્કેટ તેમજ ભંગારના ગોડાઉન-માં અવાર નવાર લાગતા આગના બનાવો બનતા હોવા છતાં પણ આ રીતે ભંગાર ખડકવાની પ્રવૃતિમાં કોઈ રોક આવી હોય તેમ લાગતું નથી.
