અંકલેશ્વર શહેર પોલીસે વિસ્તારમાં અંકલેશ્વરની ભાગ્યોદય હોટલ નજીકથી શંકાસ્પદ ભંગાર ભરેલી ઈકો કાર સાથે ભરૂચના બે ઇસમોને ઝડપી પાડી કુલ 1.56 લાખનો મુદ્દામાલ કબ્જે કર્યો છે.
ભરૂચથી રાજપીપળા ચોકડી થઈ ઈકકો કાર નંબર Gj-16-z-5593માં ચોરીનું લોખંડના ભંગારનો જથ્થો અંકલેશ્વર શહેરમાં લાવવામાં આવી રહ્યો છે જેવી બાતમીના આધારે શહેર પોલીસ મથક્નો સ્ટાફ ભાગ્યોદય હોટલ નજીક વોચમાં હતો .
પોલીસને મળેલ બાતમીને આધારે ઈકો કાર આવતા પોલીસે ગાડીને અટકાવી હતી અને તેમાં તપાસ કરતાં તેમાંથી 335 કિલો સળિયાનો ભંગાર મળી આવ્યો હતો. પોલીસે લોખંડના ભંગાર અંગે પૂછપરછ કરતાં કારમાં સવાર બે ઇસમોશાહીલ સાફિક અબ્બાસ મલેક અને અસ્ફાક સુલેમાન વલી આદમ ગાયન. રહે, જંબુસર બાયપાસ એ અસંતોષકારક જવાબ આપતા પોલીસે 6 હજારથી વધુનો લોખંડનો ભંગારનો સમાન અને ઈકો કાર મળી કુલ 1.56 લાખ રૂપિયાનો મુદ્દામાલ કબ્જે કર્યો હતો અને આગળની કાયદેસરની કાર્યવાહી હાથ ધરી હતી .
