અંકલેશ્વર શહેર પોલીસે એપલ કંપનીના એસેસરીઝનું વેચાણ કરતા છ દુકાનદારોને ઝડપી પાડી કાયદેસરની કાર્યવાહી હાથ ધરી છે

પ્રાપ્ત માહિતી મુજબ અમદાવાદ મણિનગર વિસ્તારની મધુકુંજ સોસાયટીમાં રહેતા અને જાણીતી મોબાઈલ કંપની એપલના અધિકારી વિશાલસિંહ હીરાસિંહ જાડેજા અંકલેશ્વર શહેર પોલીસ મથકે ફરિયાદ નોંધાવી હતી જે ફરિયાદ અનુસાર અંકલેશ્વર શહેરના વિવિધ વિસ્તારોમાં આવેલ મોબાઈલ શોપમાં ડુપ્લીકેટ એપલ કંપનીના એસેસરીઝનું વેચાણ કરવામાં આવે છે જે ફરિયાદને આધારે શહેર પોલીસે શહેરના વિવિધ વિસ્તારોમાં આવેલ ઓમ સદગુરુ મોબાઈલ,મનોર મોબાઈલ એન્ટર પ્રાઈઝ,વી.મોબાઈલ પોઇન્ટ,જય ગુરુદેવ મોબાઈલ અને માં ભવાની મોબાઈલ તેમજ એમ.બી.મોબાઈલ એસેસરીઝનું વેચાણ કરતા દુકાનદારોને ત્યાં દરોડો પાડી એપલ કંપનીની ડુપ્લીકેટ વિવિધ એસેસરીઝ મળી કુલ 2.50 લાખથી વધુના જથ્થા સાથે મૂળ રાજસ્થાનના અને હાલ અંકલેશ્વર જી.આઈ.ડી.સી.ની સ્કાય રેસીડેન્સી રહેતા માંગીલાલ બુધારામ ચૌધરી ,ભરત હળમતાજી રાજપુરોહિત,જગદીશ છત્રારામ રાજપુરોહિત,શંકરલાલ કાળુજી રાજપુરોહિત અને મહેન્દ્રસિંહ મુલસિંહ રાજપૂત,વિક્રમ ભલારામજી ચૌધરીને ઝડપી પાડી તમામ વિરુદ્ધ ગુનો નોંધી કાયદેસરની કાર્યવાહી હાથ ધરી છે