અંકલેશ્વરના પીરામણ નાકા પાસે ટેમ્પો અને એકટીવા ગાડી વચ્ચે અકસ્માત સર્જાયો હતો. આ અકસ્માતમાં ડમ્પર ચાલકે એકટીવા ગાડીનો કુચ્ચો બોલાવી દીધો હતો, સમય સૂચકતા વાપરીને એકટીવાના ચાલકે સ્વ બચાવ કર્યો હતો અને આ અકસ્માતમાં એક્ટિવા ચાલક બચી ગયો હોય અકસ્માત સર્જાતા અંકલેશ્વર પોલીસે ડમ્પર ચાલકની અટકાયત કરી કાયદેસરની કાર્યવાહી હાથ ધરી છે.
અહીં નોંધનિય છે કે અંકલેશ્વરમાં મોટા વાહન ચાલકોના કારણે નાના વાહન ચાલકોને સહન કરવું પડે છે. અંકલેશ્વરમાં પ્રતિદિન ટ્રાફિકની સમસ્યા અત્યંત વધતી જાય છે. અંકલેશ્વરમાં નગરપાલિકા દ્વારા જે સિગ્નલો લગાડવામાં આવ્યા છે તે અવારનવાર બંધ હાલતમાં હોય છે જેના કારણે શોભાના ગાંઠિયા સમાન સિગ્નલોના લીધે આ રસ્તાઓ પર અકસ્માતો સર્જાતા રહે છે જેના કારણે આજે સર્જાયો તેવા અકસ્માતો અવારનવાર સર્જાય છે.
Advertisement
