ભરૂચ : અંકલેશ્વર માર્ગ પર ડમ્પર અને રીક્ષા વચ્ચે ગમખ્વાર અકસ્માત, એકનું મોત અન્ય એક ઘાયલ થતા સારવાર અર્થે ખસેડવામાં આવ્યો..!!

આજરોજ વહેલી સવારે ભરૂચ, અંકલેશ્વર માર્ગ ઉપર એક ખાનગી શાળા નજીક ડમ્પર અને રીક્ષા વચ્ચે ગમખ્વાર અકસ્માત સર્જાયો હતો, અકસ્માતનાં આ બનાવમાં એક વ્યક્તિનું ઘટના સ્થળે જ મોત નીપજ્યું હતું તેમજ અન્ય એક વ્યક્તિ ઘાયલ થતા તેને સારવાર અર્થે અંકલેશ્વરની જયાબેન મોદી હોસ્પિટલમાં ખસેડવામાં આવ્યો હતો.

ડમ્પર અને રીક્ષા વચ્ચે સર્જાયેલ આ અકસ્માત એટલો ભયંકર હતું કે એક કી.મી સુધીના માર્ગ ઉપર ડમ્પર ચાલક રીક્ષાને ઘસેડીને લઈ ગયા હોવાનું ચર્ચાઈ રહ્યું છે, ડમ્પરનાં આગળનાં બોનેટની નીચેનાં ભાગે આખે આખી રિક્ષાના ફુરચા નીકળી ગયા હતા.

હાલ મામલે અંકલેશ્વર શહેર પોલીસે ઘટના સ્થળે પહોંચી જઈ અકસ્માત ક્યાં કારણોસર સર્જાયો હતો તે દિશામાં તપાસનો ધમધમાટ શરૂ કરી કાયદેસરની કાર્યવાહી હાથધરી છે..!!