અંકલેશ્વરમાં સગીરા સાથે દુષ્કર્મ, ઘરમાં મોબાઇલ ચાર્જિંગ કરવાના બહાને વિધર્મી યુવાને સગીરા સાથે દુષ્કર્મ કર્યું.

અંકલેશ્વરના એક વિસ્તારમાં ૧૫ વર્ષીય સગીરા સાથે દુષ્કર્મની ઘટના બનતા ભારે ખળભળાટ મચ્યો છે, એક વિધર્મી યુવક ઘરમાં મોબાઇલ ચાર્જમાં મુકવા જતી વેળા સગીરા સાથે અવારનવાર શરીર સંબંધ રાખતો હોવાનો કિસ્સો પ્રકાશમાં આવ્યો છે.

૧૫ વર્ષની સગીરા સાથે ત્રણ વખત શરીર સંબંધ બાંધી ગર્ભવતી બનાવી હોય મામલો આખરે પોલીસ મથક સુધી પહોંચ્યો છે, સગીરાને પેટમાં દુખાવો ઉપાડતા તપાસ દરમિયાન ૨૧ અઠવાડિયાનું ગર્ભ હોવાનું સામે આવ્યું છે, જે બાદ સગીરાને ગર્ભવતી બનાવનાર વિધર્મી યુવાન સામે બળાત્કાર તેમજ પોક્સો એકટ હેઠળ ગુનો દાખલ કરાયો છે.

મહત્વની બાબત છે કે આ અગાઉ પણ અંકલેશ્વરના એક વિસ્તારમાં બાળકી સાથે દુષ્કર્મની ઘટનાએ ભારે ખળભળાટ માચાવ્યો હતો, જે ઘટનાના ગણતરીના દિવસોમાં વધુ એક દુષ્કર્મની ઘટના પ્રકાશમાં આવતા પંથકમાં ભારે ચકચાર મચ્યો છે.

હારુન પટેલ : ભરુચ