ભરૂચ બી-ડિવિઝન પોલીસ મથક ખાતે એક ઇસમે ઝેરી દવા પી આપઘાત નો પ્રયાસ કર્યો..

દિનેશભાઇ અડવાણી

જાણવા મળ્યા મુજબ ભરૂચના ડભોયાવાડ વિસ્તારમાં રહેતા ઇસ્માલભાઈ પાલેજવાળા નામના ઇસમે કોઇ ઝેરી દવા પી ને બી ડિવિઝન પોલીસ મથકે પહોંચી ઉલ્ટીઓ કરી આપઘાત નો પ્રયાસ કરતા પોલીસ કર્મીઓ દ્વારા તેઓને સારવાર અર્થે સિવિલ હોસ્પિટલ ખસેડયા હતા.પ્રાથમિક મળતી જાણકારી મુજબ વ્યાજખોરો ના ત્રાસ થી કંટાળી આ ઇસમે આપઘાતનો પ્રયાસ કર્યાની આશંકા સેવાઇ રહી છે.હાલ સમગ્ર મામલે બી-ડિવિઝન પોલીસે ગંભીર હાલતમાં ઇસ્માઇલ પાલેજવાળા નામના ઇસમને સારવાર અર્થે પોલીસની ગાડીમાં સિવિલ હોસ્પિટલ ખસેડયા હતા તેમજ વધુ તપાસ હાથધરી છે.