દિનેશભાઇ અડવાણી
ભરૂચ જિલ્લા પોલીસ વડા રાજેન્દ્રસિંહ ચુડાસમાના માર્ગદર્શન મુજબ ભરૂચ જિલ્લામાં બનેલ ગુનાઓમાં નાસતા ફરતા આરોપીઓને શોધી કાઢવા માટે હાલમાં કાર્યવાહી ચાલી રહી છે જે અનુસંધાને પોલીસ સબ ઇન્સ્પેક્ટર કૃણાલ પટેલની સુચના મુજબ પેરોલ ફલૉ સ્કોડના પોલીસ માણસો આવા ગુનેગારોને શોધી કાઢવા અંકલેશ્વર શહેર વિસ્તારમાં પેટ્રોલિંગમાં હતા તે દરમિયાન મળેલ બાતમીના આધારે ઝઘડિયા પોલીસ સ્ટેશન ગુરનં ૪૨/૧૭ IPC ૩૭૯,114 મુજબના ચોરીના ગુનામાં નાસતો ફરતો આરોપી સુરેશભાઈ જગદીશભાઈ વસાવા ઉંમર વર્ષ 41 (રહે વસાવા ફળિયુ માંડવા તાલુકો.અંકલેશ્વર જીલ્લો.ભરૂચ)ને માંડવા ખાતેથી પેરોલ ફલૉ સ્કોડ ભરૂચની ટીમે ઝડપી પાડી કાયદેસરની કાર્યવાહી હાથ ધરવામાં આવી છે તેમજ વધુ તપાસ અર્થે આરોપીને ઝઘડિયા પોલીસ સ્ટેશનને સોંપવામાં આવેલ છે.આ કામગીરી ભરૂચ પેરોલ ફલૉ સ્કોડના અ.હે.કો કુતબુદ્દીન સૈયદ, અ.હે.કો હરીશ રામકૃષ્ણ,અ.હે.કો મગનભાઈ દોલાભાઈ,અ.હે.કો જયેન્દ્રસિંહ મહોબતસિંહ,પો.કો ધર્મેન્દ્રસિંહ મહેન્દ્રસિંહ,અ.પો.કો નિલેશભાઈ નારસિંગભાઈ દ્વારા ટીમવર્કથી કરવામાં આવી હતી.
