દિનેશભાઇ અડવાણી
બનાવની વિગત જોતા નર્મદાના સ્ટેચ્યુ ઓફ યુનીટી ખાતે મિત્રો સાથે ફરવા ગયેલ ભરૂચના ૪ યુવાનો ઝરવાણી ધોધમાં ન્હાવા પડતા એક આશાસ્પદ યુવાનનું ડુબી જવાના પગલે કરૂણ મોત નીપજયું હતું.ઘટનાની મળતી પ્રાથમિક જાણકારી મુજબ ભરૂચના શેરપુરા ખાતે રહેતા ૪ યુવાનો કાર લઇને નર્મદા જિલ્લામાં સ્ટેચ્યુ ઓફ યુનીટી જોવા ગયા હતા.જયાંથી ચારેય યુવાનો કાર લઈને ઝરવાણી ધોધ જોવા ગયા હતા જ્યાં આ યુવાનો ધોધમાં નહાવા પડતાં ભરૂચના શેરપુરા ખાતે રહેતા આશાસ્પદ યુવાન સફવાન ટિલ્લાનું ડૂબી જવાના પગલે મોત નીપજયું હતું. ઘટનાની જાણ વાયુવેગે ભરૂચ શેરપુરામાં થતા જ સમગ્ર વિસ્તારમાં શોકની લાગણી ફેલાઇ જવા પામી હતી.બનાવની જાણ થતા જ મૃતક યુવાનના સગાવ્હાલાઓ તાત્કાલિક ઘટના સ્થળે પોહ્ચવા નીકળ્યા હતા.મળતી માહિતી મુજબ પાણીમાં બે યુવાનો ડૂબ્યા હતા.જેમાં એકનો બચાવ થયો હતો.જ્યારે સફવાનનું કરૂણ મોત નીપજયું હતું.
