દિનેશભાઇ અડવાણી
પ્રાપ્ત માહિતી અનુસાર ભરૂચ એલસીબી પોલીસનો સ્ટાફ અંકલેશ્વર વિસ્તારમાં પેટ્રોલીંગમાં હતો તે દરમિયાન બાતમી મળી હતી કે અંકલેશ્વરના રાજપીપળા રોડ ઉપર મીરાનગરમાં સુરજ મોબાઈલ શોપનો સંચાલક ચોરીના ફોન અને લેપટોપ વેચવાની ફિરાકમાં છે. જેવી બાતમીના આધારે પોલીસે દરોડો પાડી શોપમાંથી એક લેપટોપ અને બે ફોન મળી આવ્યા હતા.પોલીસે લેપટોપ અને ફોનના બીલના આધાર પુરાવા માંગતા તેણે રજુ નહી કરતા પોલીસે મૂળ યુપીના અને હાલ મીરાનગરમાં રહેતા મંગેશ કુપાશંકર વિશ્વકર્માને ઝડપી પાડી તેની વધુ પૂછપરછ કરતા તેણે લેપટોપ અને બે ફોન ગડખોલ પાટિયા સ્થિત મહેન્દ્રનગર-૨ માં રહેતા રવીન્દ્ર ઉર્ફે ગોરખા પાસેથી લેપટોપ કિંમત રૂપિયા ૩૫૦૦ માં અને બે ફોન ૩ હજારમાં ખરીદયા હોવાનું કબુલ કરતા પોલીસે કુલ ૬૫૦૦ નો મુદ્દામાલ કબજે કરી ઝડપાયેલ ઇસમ વિરુદ્ધ ગુનો નોંધી કાયદેસરની કાર્યવાહી હાથ ધરી છે.
