માંગરોળ તાલુકાના વાંકલ ગામના ગામીત ફળિયામાંથી ઝેરી કોબ્રા નાગ મળી આવતા વિસ્તારમાં થોડીવાર માટે દહેશતનો માહોલ સર્જાયો હતો. વાંકલના જાગૃત નાગરિક દ્વારા વન વિભાગને જાણ કરવામાં આવતા તાત્કાલિક કાર્યવાહી હાથ ધરવામાં આવી હતી.
મળતી માહિતી મુજબ વાંકલના ગામીત ફળિયામાં રહેતા સંગીતાબેન ગામીતના ઘરમાં જલાઉ લાકડામાં કોબ્રા નાગ છુપાયો હોવાનું જણાતા પરિવારમાં ભય ફેલાયો હતો. ઘટનાની જાણ થતાં વન વિભાગના આરએફઓ હિરેન પટેલને જાણ કરવામાં આવી હતી.
Advertisement
જાણ થતાં વાંકલ વન વિભાગની ટીમ ઘટનાસ્થળે પહોંચી સાવચેતીપૂર્વક કામગીરી કરી જલાઉ લાકડામાંથી ઝેરી કોબ્રા નાગને સુરક્ષિત રીતે રેસ્ક્યુ કર્યો હતો. બાદમાં વન વિભાગની ટીમે પકડાયેલા કોબ્રા નાગને તેના કુદરતી નિવાસસ્થાન એવા જંગલ વિસ્તારમાં છોડવાની તજવીજ હાથ ધરી હતી.
