ભરૂચ શહેરમાં આવેલી આરએસ ફિટનેસમાં કોચ હર્ષિલ પટેલના માર્ગદર્શનમાં તૈયારી કરી હતી
। ભરૂચ ।
ભરૂચમાં આવેલાં આરએસ ફિટનેસમાં છેલ્લા પાંચ વર્ષથી કોચ હર્ષિલ પાસે પાવરલિફ્ટીંગ માટે માર્ગદર્શન અને ટ્રેનિંગ લઈ રહેલી સમસાલ પટેલે યુકેમાં ભરૂચનો ડંકો વગાડયો છે. યુકેના નોટિંગહામમાં યોજાયેલાં વર્લ્ડકપમાં તેણે ગોલ્ડ મેડલ મેળવ્યો છે.
ભરૂચની સમસાલ પટેલે યુકેના નોટિંગહામમાં યોજાયેલી વર્લ્ડ રો પાવરલિફ્ટીંગ ફેડરેશન યુકે વર્લ્ડકપમાં ભાગ લીધો હતો. જેમાં તેણે શાનદાર પ્રદર્શન કરી ગોલ્ડ મેડલ મેળવ્યો હતો. સમસાલ પટેલે યુકેની ધરતી પર ભારત અને ભરૂચ જિલ્લાનું ગૌરવ વધાર્યું હતું. સમસલ પટેલ છેલ્લા પાંચ વર્ષથી ભરૂચના આરએસ ફિટનેસમાં કોચ હર્ષિલ પટેલ પાસે પાવરલિફ્ટીંગ માટે માર્ગદર્શન તેમજ ટ્રેનિંગ લે છે. તેણે જિલ્લા અને રાજ્ય સહિત રાષ્ટ્રીય કક્ષાએ પણ ઘણા મેડલ મેળવ્યાં છે. સતત મહેનત, શિસ્ત તેમજ યોગ્ય કોચિંગના કારણે તેણે વિશ્વસ્તરીય સ્પર્ધામાં વિજય મેળવી ભરૂચ જિલ્લાના યુવાનોને પ્રેરણાદાયીની બની છે.
