ભરૂચ.
દહેજના ઇન્દિરા આવાસ વિસ્તારમા રહેતી રહેતો કૃણાલ ભાઇલાલ ગોહિલ ટ્રાન્સપોર્ટનો વ્યવસાય કરે છે. ગઇકાલે સવારે તેમની પત્ની ભાવિકા સાથે તેમજ તે મળીને તેમની કાર ધોઇ રહ્યાં હતાં. તે વેળાં તેમના ઘરની સામે રહેતી ભાવના સુખદેવ પઢિયાર તેના ઘરના આંગણામાં સફાઇ કરી કચરો ભાવિકાના ઘર તરફ કરતાં ભાવિકાએ ભાવનાને તે માટે ટોકતા ભાવના ઉશ્કેરાઇ ગઇ હતી. તેણે તેણે હું તારા આંગણામાં જ કચરો નાખીશ, તારાથી થાય તે કરી લે તેમ કહેતાં ભાવિકાએ તેને કચરો ડસ્ટબીનમાં નાંખવા કહેતાં ભાવનાએ તેને જાતિવિષયક અપશબ્દો ઉચ્ચાર્યાં હતાં. અરસામાં તેનું ઉપરાણું લઇ તેની પુત્રી સ્નેહા ત્યાં આવી જતાં તેણે પણ ઝઘડો કરી તેમને નીચી જાતિના હોવાનું જણાવી તેમના પર છુટો ચપ્પલ મારી દીધો હતો. જે બાદ ભાવનાનો બનેવી બળવંતસિંહ ચંદ્રસિંહ સોઢાએ પણ ત઼યાં આવી તેમની સાથેઝડઘો કરી તમે બહારના છો તમારૂ ઘર તોડી નખાવીશું કહી ધાકધમકીઓ આપી હતી. બનાવને પગલે તેમને દહેજ પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
