આમોદ:
આમોદના વાવડી ફળિયા નજીક આવેલા મગરવાળા તળાવમાં માસૂમ બાળકોના જીવ જોખમમાં મુકાય તેવી ચિંતાજનક સ્થિતિ સામે આવી છે. તળાવમાં મગરની હાજરી હોવા છતાં કેટલાક બાળકો લોખંડની સુરક્ષા જાળી કૂદીને અંદર પ્રવેશી મચ્છી પકડતા જોવા મળ્યા હતા.
Advertisement
સ્થાનિકોમાં આ દૃશ્યોને લઈને ભારે ચિંતા ફેલાઈ છે. જો કોઈ દુર્ઘટના સર્જાય તો તેની ગંભીર જવાબદારી કોની રહેશે તેવો સવાલ પણ ઉઠી રહ્યો છે. સ્થાનિકોએ તંત્રને તાત્કાલિક અસરથી સુરક્ષા વ્યવસ્થા વધુ કડક બનાવવા, જાળીની યોગ્ય દેખરેખ રાખવા, ચેતવણીના બોર્ડ વધુ સ્પષ્ટ રીતે લગાવવા તેમજ નિયમિત પેટ્રોલિંગ કરવાની માંગ કરી છે.
સ્થાનિકોના જણાવ્યા મુજબ, એક ક્ષણની બેદરકારી પણ જીવલેણ સાબિત થઈ શકે છે. તેથી કોઈ અનિચ્છનીય ઘટના બને તે પહેલાં જ વહીવટી તંત્ર દ્વારા તાત્કાલિક જરૂરી પગલાં ભરવામાં આવે તેવી લોકોની માંગ છે.
