આમોદ–માતર એક્સપ્રેસ હાઈવે પર અકસ્માત, ટ્રકચાલક ગંભીર ઈજાગ્રસ્ત : ટોલ નાકા નજીક અજાણ્યા વાહન પાછળ ટ્રક અથડાતા અકસ્માત સર્જાયો

આમોદ: આમોદ–માતર એક્સપ્રેસ હાઈવે પર ટોલ નાકા નજીક ટ્રકચાલકને અકસ્માત નડતા ગંભીર ઈજાઓ પહોંચી હતી. મળતી માહિતી મુજબ ટ્રકચાલકનું ટ્રક પરનું નિયંત્રણ કોઈ કારણસર ગુમાવાતા આગળ જઈ રહેલા અજાણ્યા વાહન પાછળ ટ્રક અથડાઈ ગયું હતું.

અકસ્મતને પગલે ટ્રકચાલકને ગંભીર ઈજાઓ પહોંચતા ઘટનાસ્થળેથી તાત્કાલિક સારવાર માટે આમોદ રેફરલ હોસ્પિટલ ખાતે ખસેડવામાં આવ્યો હતો. હોસ્પિટલમાં તબીબોએ પ્રાથમિક સારવાર આપ્યા બાદ વધુ સારવારની જરૂરિયાત જણાતા ટ્રકચાલકને વડોદરા ખાતે વધુ સારવાર અર્થે ખસેડવામાં આવ્યો હતો.

અકસ્મતને પગલે હાઈવે પર થોડા સમય માટે અફરાતફરીનો માહોલ સર્જાયો હતો. ઘટનાની જાણ થતાં સંબંધિત તંત્ર દ્વારા જરૂરી કાર્યવાહી હાથ ધરવામાં આવી હતી.