। ભરૂચ ।
ભરૂચ શહેર કોંગ્રેસ કાર્યાલય ખાતે શુક્રવારે રાષ્ટ્રપિતા મહાત્મા ગાંધી અને પૂર્વ વડાપ્રધાન લાલબહાદુર શાસ્ત્રીની જન્મજયંતિ નિમિત્તે શ્રદ્ધાંજલી કાર્યક્રમમાં કોંગ્રેસના આગેવાનો તથા મોટી સંખ્યામાં કાર્યકરો ઉપસ્થિત રહી બન્ને મહાનુભવોને શ્રદ્ધાંજલી અર્પણ કરી હતી. આ પ્રસંગે સુરેશ મહેતા તેમજ નટુભાઈ પરમારે મહાત્માગાંધીજીના જીવનચરિત્ર અને તેમના વિચારો અંગે વિસ્તૃત માહિતી આપી હતી. ગાંધીજીના સત્ય, અહિંસા અને સાદગીના સિદ્ધાંતો તેમજ દેશની આઝાદીની લડતમાં તેમના યોગદાનને યાદ કરવામાં આવ્યું હતું. વક્તાઓએ ગાંધીજી તથા લાલ બહાદુર શાસ્ત્રીના જીવનના પ્રેરણાદાયી પ્રસંગો અંગે વાત કરી હતી. ઉપસ્થિત કાર્યકરોએ બન્ને મહાનુભવોના આદર્શો અને જીવનમૂલ્યોને પોતાના જીવનમાં ઉતારવાનો સંકલ્પ વ્યક્ત કર્યો હતો. કાર્યક્રમ દરમિયાન ઉપસ્થિત કાર્યકરોએ મહાત્મા ગાંધી અને લાલ બહાદુર શાસ્ત્રીના રાષ્ટનિર્માણમાં યોગદાનને યાદ કરી તેમને ભાવભીની શ્રદ્ધાંજલી અર્પણ કરી હતી.
