ભરૂચમાં મુંબઈથી આવેલા બે લોકો સહિત કોરોના પોઝિટીવ દર્દીની પત્નીનો રિપોર્ટ પણ પોઝિટીવ આવ્યો.

ભરૂચ જીલ્લામાં હજુ ગઇકાલે આમોદ તાલુકાનાં આછોદ ગામ ખાતે એક યુવાન જંબુસરની હૉસ્પિટલમાં સારવાર લેતા તેને શરદી-ખાંસી થતાં તેના સેમ્પલો લેવામાં આવતાં આછોદનાં યુવાનનો રિપોર્ટ પોઝિટીવ આવતાં તેને જયાબેન મોદી કોવિડ-19 હૉસ્પિટલમાં સારવાર અર્થે દાખલ કરવામાં આવ્યો હતો. જયારે આજે ભરૂચ શહેરનાં બાયપાસ રોડ ઉપર આવેલ સોસાયટીનાં કોરોના પોઝિટીવ દર્દીની પત્નીનો રિપોર્ટ પણ પોઝિટીવ આવતાં તેને પણ જયાબેન કોવિડ-19 હૉસ્પિટલમાં સારવાર અર્થે ખસેડવામાં આવી હતી. જયારે અંકલેશ્વર GIDC નાં કાપોદ્રા પાટિયા નજીક આવેલ સમર્થ પાર્ક સોસાયટીમાં મુંબઈથી આવેલા પરિવારનાં બે વ્યક્તિનાં રિપોર્ટ કોરોના પોઝિટીવ આવ્યા હતા. તે વિસ્તારને સંક્રમિત એરિયા જાહેર કરીને બંનેને જયાબેન મોદી હૉસ્પિટલમાં ખસેડવામાં આવ્યા હતા. જયારે આ બંને કેસ મુંબઈનાં ગણાશે. કેમ કે તેઓ મુંબઈથી આવ્યા છે. જયારે ભરૂચનો કુલ આંક 49 છે. જોકે ભરૂચ જીલ્લામાં હાલ જેટલા પણ લોકોનાં કોરોના રિપોર્ટ પોઝિટીવ આવ્યો છે તેઓ ભરૂચ જીલ્લામાં બહારથી આવ્યા છે.