સુરતનાં પૂણાગામ સીમાડા રોડ યોગી ચોક ખાતે આવેલ આમ આદમી પાર્ટીનાં કાર્યાલયમાં ચાર અજાણ્યા ઇસમોએ તોડફોડ કરી પ્રભારીને BJP નો વિરોધ કરવાનો અને પોસ્ટર લગાવવાનો તેને બો શોખ છે તેમ કહી માર મરવામાં આવ્યો હતો. આ બનાવને લઈ પ્રભારી શર્માભાઈએ ચાર અજાણ્યા ઇસમો વિરુદ્ધ સરથાના પોલીસે માર મારવાનો ગુનો નોધી તપાસ હાથ ધરી છે. આ બનાવનાં અનુસંધાને ભરૂચ આમ આદમી પાર્ટીએ ભરૂચનાં પાંચબત્તી ખાતે આ હુમલાને વખોડતા ભારે વિરોધ પ્રદર્શન કર્યું હતું તથા ભાજપ મોદી તેરી તાનાશાહી નહીં ચલેગી, કલ લડે થે ગોરો સે આજ લડેગે ચોરો સે જેવા સૂત્રોચ્ચાર કર્યા હતા અને રાજયમંત્રી તેમજ આરોગ્યમંત્રીની હાય હાય બોલાવી હતી. પોલીસે આ વિરોધ પ્રદર્શન અટકાવતાં ભારે ધર્ષણનાં દ્રશ્યો જોવા મળ્યા હતા.
Advertisement
