ભરૂચ વ્હોરા પટેલ પ્રોગ્રેસિવ ચેરીટેબલ ટ્રસ્ટ દ્વારા 75 પી.પી.ઇ. કીટ ભરૂચ નગરપાલિકાને આપવામાં આવી હતી. આ પ્રસંગે ટ્રસ્ટનાં પ્રમુખ ઇદ્રીસ સરનારવાળા અને નગરપાલિકા સભ્ય સલિમ અમદાવાદી ઉપસ્થિત રહી ભરૂચ નગરપાલિકાનાં પ્રમુખ સુરભિબેન તમાકુવાળા અને ચીફ ઓફિસર સંજય સોનીને પી.પી.ઇ. કીટો આપી હતી. આ પી.પી.ઇ. કીટો નગરપાલિકાનાં કોરોના વોરિયરને આપવામાં આવશે. નગરપાલિકા દ્વારા કોવિડ સ્મશાન ઉપરાંત વિવિધ સફાઈ કામગીરી તેમજ કોરોના અંગેની અન્ય કામગીરીઓ થઈ રહી છે ત્યારે આ કીટો સફાઈ કામદારો અને કોરોના વોરિયરને અપાશે એમ જાણવા મળેલ છે.
Advertisement
