ભરૂચ જિલ્લાના નેત્રંગ તાલુકાના થવા ખાતેની કોલેજમાં અભ્યાસ કરતી એક વિદ્યાર્થીનીએ યુનિવર્સિટી કક્ષાએ યોજાયેલી બોક્સીંગ સ્પર્ધામાં ગોલ્ડ મેડલ પ્રાપ્ત કરી થવા કોલેજનું ગૌરવ વધારતા વિધાથીઆલમ સહિત કોલેજ પરીવારમાં આનંદની સાથે ગૌરવની લાગણી ફરી વળી છે.
નેત્રંગ તાલુકાના થવા ખાતે આવેલ નુતન ગ્રામ વિધ્યાપીઠ કોલેજમાં અભ્યાસ કરતી રાઠોડ પરમજીતે તા. ૨૭, ૨૮ નવેમ્બર ૨૦૨૧ ના રોજ વીર નર્મદ સાઉથ ગુજરાત યુનિવર્સિટી સુરત ખાતે યોજાયેલ બોક્સીંગ સ્પર્ધાના મહિલા વિભાગમાં ગોલ્ડ મેડલ પ્રાપ્ત કરી થવા બી. આર. એસ કોલેજનું તેમજ સમગ્ર નેત્રંગ તાલુકાંનુ ગૌરવ વધારતા તાલુકામાં આનંદની લાગણી ફેલાઇ છે. રાઠોડ પરમજીત એક ગરીબ પરીવારની દિકરી છે, તેણે ચાર વર્ષ થવા એકલવ્ય સાધના ઉતર બુનિયાદી આશ્રમ શાળામાં રહીને અભ્યાસ કર્યો હતો તેમજ બે વર્ષથી થવા કોલેજમાં અભ્યાસ કરે છે. પરમજીત રાઠોડે અત્યાર સુધીમાં નવ જેટલી સ્કુલ સ્પર્ધાઓમાં ભાગ લીધો છે. ખેલમહાકુંભમાં છેલ્લા પાંચ વર્ષથી રાજયકક્ષાએ પ્રથમ ક્રમ પ્રાપ્ત કરેલ છે.
ગુલામહુશેન ખત્રી રાજપારડી જિ.ભરૂચ
