ભરૂચ : પીઠોર ગામેથી વિદેશી દારૂનો જથ્થો ઝડપી પાડતી વાલિયા પોલીસ.

ભરૂચ જિલ્લાના વાલિયા પોલીસ સ્ટેશનની ટીમે પીઠોર ગામેથી ભારતીય બનાવટનો વિદેશી દારૂનો ગણનાપાત્ર કેસ શોધી કાઢ્યો છે.

મળતી માહિતી અનુસાર વાલિયા પોલીસ સ્ટેશનના પી.આઇ ગામીતને ચોકકસ બાતમી મળી હતી કે ભરૂચના તળાવ ફળિયામાં રહેતા નરેશ ઠાકોર વસાવાએ પોતાના રહેણાંક મકાનમાં ભારતીય બનાવટનો જુદી-જુદી બ્રાન્ડનો વિદેશી દારૂનો જથ્થો રાખવામા આવેલ હોય, જે બાતમીની જગ્યાએ પોલીસે રેડ કરતાં વિદેશી દારૂની નાની-મોટી બોટલ તથા ટીન બીયર મળી કુલ બોટલ નંગ 74, કુલ કિં.રૂ.26,700 નો મુદ્દામાલ ઝડપી પાડયો છે. બનાવની જાણ થતાં પોલીસ જાપ્તા પહેલા જ આરોપી નરેશ ઠાકોર વસાવા સ્થળ પરથી ફરાર થઈ ચૂકયો હતો. આથી પોલીસે મુદ્દામાલ જપ્ત કરી વોન્ટેડ આરોપીને પકડવાના ચક્રો ગતિમાન કર્યા છે.