૨૧ મે આતંકવાદ વિરોધી દિન નિમિત્તે ભરૂચ કલેક્ટર કચેરી ખાતે જિલ્લા કલેક્ટર સહિત અધિકારીઓએ શપથ ગ્રહણ કર્યા.

૨૧ મે નાં રોજ સમગ્ર દેશમાં આતંકવાદ વિરોધી દિન મનાવવામાં આવે છે જે સંદર્ભે આજે ભરૂચ કલેક્ટર કચેરીના સભાખંડ ખાતે જિલ્લા કલેક્ટર તુષાર સુમેરાના અધ્યક્ષતામાં કલેક્ટર કચેરીએ તમામ અધિકારીશ્રીઓ તેમજ કર્મચારીઓએ દેશની અહિંસા અને સહનશીલતામાં દ્રઢ વિશ્વાસ રાખી શપથ ગ્રહણ કર્યા હતા. આ વેળાએ નિવાસી અધિક કલેક્ટર જે.ડી.પટેલ સહિત અધિકારી-કર્મચારીઓ ઉપસ્થિત રહ્યા હતા.

આ ઉપરાંત જિલ્લાની તમામ પ્રાંત તેમજ મામલતદાર કચેરીઓમાં આતંકવાદ વિરોધી દિન નિમિત્તે આતંકવાદ સામે લડવા, સામાજિક સદભાવના જાળવવા, માનવજીવન મુલ્યોના ખતરાને પહોંચી વળવા શપથ લેવામાં આવ્યા હતા.