ભરૂચ જિલ્લામાં નશાની દુનિયાને વિકસાવનાર અને ઠેરઠેર ભરૂચ શહેરમાં દારૂના દુષણને પહોંચાડનાર તેમજ જિલ્લાના વિવિધ પોલીસ મથકોમાં વોન્ટેડ રહેનાર કુખ્યાત બુટલેગર નયન ઉર્ફે બોબડો કાયસ્થને ઝડપી પાડવામાં લાંબા સમય બાદ ક્રાઇમ બ્રાંચના કર્મીઓને સફળતા પ્રાપ્ત થઈ છે.
ભરૂચ ક્રાઇમ બ્રાંચના કર્મીઓને મળેલ બાતમીના આધારે ભરૂચનો કુખ્યાત બુટલેગર નયન ઉર્ફે બોબડો નવસારી જિલ્લાના ગણદેવી ખાતે રોકાયેલ છે જે અંગેની માહિતી બાદ ક્રાઇમ બ્રાંચના કર્મીઓએ દરોડા પાડી નયન ઉર્ફે બોબડો કાયસ્થને ઝડપી પાડી તેની સામે કાયદેસરની કાર્યવાહી હાથધરી છે.
અત્રે ઉલ્લેખનીય છે કે નયન ઉર્ફે બોબડો ભરૂચ જિલ્લામાં પ્રોહીબિશનના ગુનામાં સહિત હાલોલ પોલીસ મથકની હદમાં મારામારીના ગુનાઓમાં સામેલ હોય ભરૂચ લોકલ ક્રાઇમ બ્રાન્ચે તેની ધરપકડ કરી તેની સામે કાયદેસરની કાર્યવાહી હાથધરી છે.
હારુન પટેલ : ભરૂચ
મો. : 99252 22744
