ભરૂચ શહેરના પશ્ચિમ વિસ્તારમાં આજે પોલીસે બે અલગ-અલગ જગ્યાએથી ગાયો અને ગૌવંશ છોડાવ્યું હતું.

ભરૂચ શહેરનાં પશ્ચિમ વિસ્તારમાં ખુલ્લી જગ્યામાં કેટલાક વાછરડા અને ગાયો બાંધી હોવાની જાણ જીણા ભરવાડ કે જેઓ ગૌરક્ષક છે તેમને જાણ થતાં તેઓ દ્વારા તુરંત જ શહેર બી ડિવીઝન પોલીસ મથકને જાણ કરતાં બી ડિવીઝન પોલીસ મથકનો પોલીસ સ્ટાફ દોડી ગયો હતો. જ્યાં તપાસ કરતાં બે અલગ-અલગ જગ્યાએ ગાયો તેમજ સાત થી આઠ વાછરડા બાંધેલી હાલતમાં મળી આવ્યા હતા. પોલીસે તમામ વાછરડા અને ગાયોને પાંજરાપોળમાં મોકલી આપ્યા હતા. પોલીસને શંકા છે કે આ વાછરડા અને ગાયો કોઈક કસાઇઓ દ્વારા કતલ કરવાનાં ઇરાદે બાંધી છે પોલીસે આ મામલે તપાસ શરૂ કરી છે.