ભરૂચ.
ગુજરાત જાહેર સેવા આયોગ (GPSC) દ્વારા રાજ્ય વેરા નિરીક્ષક વર્ગ-3 માટે રવિવારે પ્રિલીમરી પરીક્ષા યોજાઈ હતી. ભરૂચ જિલ્લામાં આ પરીક્ષા માટે કુલ 7 પરીક્ષા કેન્દ્રો નિર્ધારિત કરવામાં આવ્યા હતા, જ્યાં 66 બ્લોકમાં સુચારુ રીતે પરીક્ષાનું આયોજન કરવામાં આવ્યું હતું.
Advertisement
આ પરીક્ષામાં નોંધાયેલા કુલ 1583 ઉમેદવારો હાજર રહી પરીક્ષા આપી હતી. પરીક્ષાની વ્યવસ્થા અને કાયદો-વ્યવસ્થા જળવાઈ રહે તે માટે વહીવટીતંત્ર દ્વારા પૂરતી તૈયારીઓ કરવામાં આવી હતી. પરીક્ષાના સંચાલન માટે કુલ 245 કર્મચારીઓનો સ્ટાફ ફરજ પર મુકવામાં આવ્યો હતો.
પરીક્ષા દરમિયાન કોઈ અનિચ્છનીય બનાવ ન બને તે માટે સુરક્ષા વ્યવસ્થા પણ કડક રાખવામાં આવી હતી. સમગ્ર પરીક્ષા પ્રક્રિયા શાંતિપૂર્ણ અને વ્યવસ્થિત રીતે પૂર્ણ થતાં વહીવટીતંત્રએ રાહતનો શ્વાસ લીધો હતો.
