રાહુલ ગાંધી અને કોંગ્રેસની સાથે વિપક્ષ માટે એક આંચકાજનક અહેવાલ આવ્યા છે. રાહુલ ગાંધીનું સાંસદ સભ્યપદ પદ લોકસભા સચિવાલયે રદ કરતાં આ મામલે નોટિફિકેશન જાહેર કરી દીધી છે. ગુરુવારે સુરતની કોર્ટે તેમને મોદી અટક પર કરેલી ટિપ્પણી મામલે માનહાનિના કેસમાં દોષિત જાહેર કરતાં બે વર્ષની સજા ફટકારી હતી અને તેમને 15 હજાર રૂપિયાનો દંડ પણ કર્યો હતો. ત્યારબાદ તેમને જામીન પણ અપાયા હતા. તેઓ કેરળના વાયનાડથી સાંસદ હતા.
રાહુલ ગાંધીને માનહાનિના કેસમાં સુરત કોર્ટે બે વર્ષની સજા ફટકારી હતી. રાહુલ ગાંધીએ સમગ્ર મોદી સમુદાય વિશે વાંધાજનક નિવેદન આપ્યું હતું. આ કારણે કોર્ટે તેને દોષિત ઠેરવ્યો હતો. જોકે કોર્ટે એક મહિના માટે સજા પર રોક લગાવી છે જેથી તે ઉચ્ચ અદાલતમાં અપીલ કરી શકે પરંતુ તેની સજા પર સ્ટે મૂક્યો નથી. કોર્ટે તેને જામીન પણ આપ્યા છે.
Advertisement
