લીંબડીની લોક ઉપયોગી કચેરીઓ તેમજ પોલીસ સ્ટેશનનાં પટાંગણમાં વરસાદી પાણી ભરાયા.

લીંબડી તાલુકામાં ચાર ઇંચ જેટલો વરસાદ ખાબકતા સર્વત્ર પાણી-પાણી જોવા મળી રહ્યું છે, ત્યારે લીંબડી નગરપાલિકા, સેવાસદન ઓફિસ, પીજીવીસીએલ ઓફિસ, લીંબડી પોલીસ સ્ટેશન વિસ્તારના પટાંગણમાં વરસાદી પાણીનો ભરાવો થવા પામ્યો હતો,

સરકારી અને લોકપયોગી કચેરીઓના પટાંગણમાં વરસાદી પાણીનો ભરાવો થતાં કામ અર્થે આવતા લોકોને વરસાદના પાણીમાંથી પસાર થવાની નોબત આવી હતી. તેમજ નેશનલ હાઈવે ઉપર આવેલ છાપરા બાંધીને તેમજ ઝુંપડપટ્ટીમાં રહેતા લોકોની સ્થિતિ પણ દયનીય બની રહેવા પામી હતી. તેમજ આ વિસ્તારમાં આજુબાજુની સોસાયટીઓમાં પણ વરસાદી પાણીનો ભરાવો થતાં રહીશોને પારાવાર મુશ્કેલીઓ ઊભી થવા પામી છે.

કલ્પેશ વાઢેર સુરેન્દ્રનગર