વાંકલ : ઝાંખરડા ગામે બાળકોને ઉંટ ગાડીમાં બેસાડી અનોખી રીતે શાળા પ્રવેશ ઉત્સવની કરાઈ ઉજવણી.

ઓગણીસા, બોરિયા, વેરાવી ખાતે માંગરોળ તાલુકાના ઉપપ્રમુખ તૃપ્તિબેન મૈસુરિયા એ બાળકોને કુમકુમનું તિલક કરી બાળકોને આવકાર્યા હતા.
માંગરોળ તાલુકાના ઝાંખરડા ગામે ધોરણ એકમાં પ્રવેશ લેનારા બાળકોને ઊંટ ગાડીમાં બેસાડી વાંજતે ગાજતે અનોખી રીતે શાળા પ્રવેશ ઉત્સવની ઉજવણી કરાઈ હતી.

ઝાંખરડા પ્રાથમિક શાળાના આચાર્ય મોહમ્મદ સઈદ ઈસ્માઈલ અને શાળા પરિવાર દ્વારા શાળા પ્રવેશ ઉત્સવની ઉજવણીનું અનોખું આયોજન કરવામાં આવ્યું હતું. ધોરણ-1 મા પ્રવેશ લેનારા બાળકોને ઊંટ ગાડીમાં બેસાડવામાં આવ્યા હતા અને ડી જે સંગીતના તાલે ગ્રામજનોએ નાચી ઝૂમી ઉત્સવ મનાવ્યો હતો. શાળા પ્રવેશોત્સવમાં જિલ્લા પંચાયતના પૂર્વ સભ્ય દીપકભાઈ વસાવા, ગામના સરપંચ જગદીશભાઈ વસાવા, નજીરભાઈ મલેક, મરજીનાબેન મલેક, સહદેવ વસાવા, અર્જુન વસાવા, ઉપપ્રમુખ તૃપ્તિબેન મૈસુરીયા, સરપંચ સોમાભાઈ ચૌધરી, કેલ્યા કાકા, વનિતા બેન, મહેશ ગામીત તેમજ સ્ટાફગણ સહિત ગ્રામજનો મોટી સંખ્યામાં ઉપસ્થિત રહ્યા હતા.