માંગરોળ તાલુકાના વાંકલ ગામે કાર્યરત લાઈફ લાઈન હોસ્પિટલ ખાતે ભાજપ મેડિકલ સેલ દ્વારા યોજાયેલ નિશુલ્ક નિદાન સારવાર કેમ્પનો 300 દર્દીઓએ લાભ લીધો હતો.
માંગરોળ વિધાનસભા વિસ્તારમાં આવતા વાંકલ ગામની લાઈફ લાઈન હોસ્પિટલ ખાતે આ કેમ્પનું આયોજન કરવામાં આવ્યું હતું જેનું ઉદઘાટન બારડોલીના સંસદ સભ્ય પ્રભુભાઈ વસાવાના હસ્તે કરવામાં આવ્યુ હતું. ઉપરોક્ત કેમ્પમાં દર્દીઓને નિદાન સારવારની સાથે જરૂરિયાત મંદ લોકોને મફત ચશ્માનુ વિતરણ કરવામાં આવ્યું હતું. વડાપ્રધાન નરેન્દ્રભાઈ મોદીના જન્મદિવસની ઉજવણીના ભાગરૂપે આ કેમ્પ યોજાયો હતો. આ પ્રસંગે સુરત જિલ્લા ભાજપના મહામંત્રી દીપકભાઈ વસાવા, સુરત જિલ્લા પંચાયત સિંચાઈ સમિતિના અધ્યક્ષ અફઝલ ખાન પઠાણ, તાલુકા પંચાયતના સભ્ય યુવરાજસિંહ સોનારીયા, સુરત જિલ્લા એસટી મોરચાના મહામંત્રી જગદીશભાઈ ગામીત, લાઈફ લાઇન હોસ્પિટલ ટ્રસ્ટના પ્રમુખ શિરીષભાઈ નાયક તેમજ ભાજપના કાર્યકર્તા અને આગેવાનો હાજર રહ્યા હતા.
વિનોદ મૈસૂરિયા : વાંકલ
