મોરબી : કોરોના મહામારી વચ્ચે મહિલા પોલીસકર્મીની ફરજ નિષ્ઠા, લગ્નનાં બીજા જ દિવસે મહેંદીવાળા હાથ સાથે જ ડ્યુટી જોઈન્ટ કરી લીધી.

હાલ કોરોના મહામારી ચાલી રહી છે, દેશમાં લોક ડાઉનનું કડક પાલન કરાવવા પોલીસ વિભાગ કોરોના વૉરિયર્સની ભૂમિકા ભજવી રહ્યું છે એ વચ્ચે મોરબી જિલ્લામાંથી પોલીસની ફરજ નિષ્ઠાનો અનોખો કિસ્સો સામે આવ્યો છે, જ્યાં ગત 17 મી તારીખે પરિવારનાં 12 લોકોની હાજરીમાં મહિલા પોલીસ કર્મીએ લગ્ન કર્યા હતા અને બાદમાં બીજા જ દિવસે એટલે કે 18 તારીખે મહેંદીવાળા હાથ સાથે ફરજ પર હાજર થઈ ગયા હતા,આ બાબત સોશિયલ મીડિયા મારફતે લોકો વચ્ચે આવતા લોકો પણ પોલીસની કામગીરીના વખાણ કરી રહ્યા છે.