નડિયાદ સહીત ખેડા જિલ્લામાં ઈદ-ઉલ-ફિત્ર પર્વની ઉજવણી કરાઇ.

નડિયાદ સહીત ખેડા જિલ્લાના મુસ્લિમ બિરાદરો રમઝાન માસની શરૂઆતથી જ ઇબાદતમાં લાગી ગયા હતા. રોજા રાખી ઇબાદત કરતા હતા અને આખો દિવસ ઇબાદતમાં ગુજારતા હતા.

ઈદ-ઉલ-ફિત્ર હોય મુસ્લિમ બિરાદરોમાં ભારે ઉત્સાહ જોવા મળી રહ્યો છે. ઈદના દિવસે વિવિધ મસ્જીદ, ઈદગાહમાં જઈ મુસ્લિમ બિરાદરોને ઇદની નમાઝ અદા કરી હતી અને બાદમાં એકબીજાને ભેટીને ઈદની મુબારક પાઠવી છે. છેલ્લા બે વર્ષથી કોરોનાની મહામારી કારણે ઇદના તહેવારની ઉજવણી ફીકી હતી. પરંતુ આ વર્ષે ભારે ઉત્સાહથી ઉજવણી થઇ છે. નડિયાદ શહેરમાં શહેર કાજી સૈયદ અબ્દુલહૈઇ બીસ્મીલ્લાહુમીય કાદરી દ્વારા નડિયાદમાં ઈદ નમાજ ઈદના દિવસે અમદાવાદી દરવાજા બહાર આવેલ શાહિ ઈદગાહમાં નમાઝ પઢવામા આવી હતી.

નરેશ ગનવાણી : નડિયાદ