નડિયાદ કપડવંજ રોડ પર અકસ્માતમાં એક વ્યક્તિ ઘાયલ.

નડિયાદના બિલોદરા નજીક આવેલ જશુભાઈના પંપ પાસે બપોરે આઇસર ટેમ્પો અને ટ્રકનું ટાયર ફાટતાં સ્વિફ્ટ કારના અથડાતાં રોડ પર ભારે ટ્રાફિક જામ સર્જાયો હતો.

નડિયાદના બિલોદરા નજીક આવેલ જશુભાઈના પંપ પાસે બપોરે રોડ પરથી પસાર થતાં એક આઈસર ટેમ્પો અને ટ્રકનું ટાયર ફાટતાં બંને વાહનો ધડાકાભેર અથડાઈ ગયા હતા જેના કારણે બંને વાહનો થંભી ગયા હોય અને પાછળથી આવતી એક સ્વિફ્ટ કારના ચાલક આ ટ્રક અને આઇસર ટેમ્પોમાં અથડાઇ જતા સ્વીફ્ટ કારના ફુરચેફુરચા ઉડી ગયા હતા અને કાર ચાલક ગંભીર રીતે ઘવાયો હતો. આ ઘટનાના પગલે સ્થાનિકોએ તાત્કાલિક ધોરણે કાર ચાલકને સારવાર માટે નડિયાદ સિવિલ હોસ્પિટલે ખસેડયો હતો. આ બનાવને કારણે નડિયાદ કપડવંજ રોડ પર વાહનોની લાંબી કતારો લાગી હતી.

નરેશ ગનવાણી : નડિયાદ