પાલેજ પોલીસને મળેલી બાતમીના આધારે ચાંપતી નજર રાખતા પાલેજ એસ.કે નગર માં વિદેશી દારૂની હેરાફેરી કરતો એક ઇસમને ૩૭૫૦૦ ના દેશી દારૂ સાથે ઝડપવામાં પાલેજ પોલીસને સફળતા સાંપડી હતી.ગુરૂવારના રોજ પાલેજ પોલીસ દ્વારા પાલેજના સોસાયટી વિસ્તારમાં બાતમીના આધારે ચાંપતી નજર રાખી હતી એવામાં એસ.કે નગર માં ધર્મેશ ઉર્ફે ધમો જીવણ ભાઈ માછીનાં મકાનની દીવાલની બહારનાં ભાગે પતરાની આડમાં સફેદ કલરનાં મીણયા ઠેલાંમાં મૂકેલાં જ્યાં પોલીસે રેડ કરતા ભારતીય બનાવટ નો પરપ્રાંતીય વિદેશી દારૂના કોટરીયા પ્લાસ્ટિકના પાઉચ નંગ ૩૭૫ જેની કિંમત ૩૭૫૦૦ ની કિંમતનો મુદ્દામાલ સાથે ઝડપી પાડયો હતો. જે અંગે ધર્મેશ ઉર્ફે ધમો માછી ની સામે પાલેજ પોલીસ મથકમાં ગુનો નોંધાયો હતો.પાલેજ પોલીસે આરોપીની ધરપકડ કરી તેની સામે કાયદેસર કાર્યવાહી હાથ ધરી હતી.
Advertisement
