રાજપારડી મુકામે મા કાર્ડ કાઢવાના કેમ્પનું આયોજન

ભરૂચ જિલ્લાના ઝઘડીયા તાલુકાના રાજપારડી ગામે મા કાર્ડ કાઢવાના એક કેમ્પ નું આયોજન કરવામાં આવ્યુ છે.ગુજરાત રાજ્ય યુવક બોર્ડ ના ઝઘડીયા તાલુકા સંયોજક હિરલ પટેલ ના જણાવ્યા અનુસાર ઝઘડીયા તાલુકા કક્ષાનો આ કેમ્પ તા.૧૬ સપ્ટેમ્બર ના રોજ સવારે ૧૦ વાગ્યાથી સાંજના ૫ વાગ્યા સુધી ગ્રામ પંચાયત ઓફીસ પાછળ કોમ્યુનિટી હોલમાં યોજાશે.જે કોઇના મા કાર્ડ હજી બનેલા ના હોય તેવા લાભાર્થીઓએ રેશનકાર્ડ આધારકાર્ડ આવકના દાખલાઓની નકલો સાથે સ્થળ પર આવવા જણાવાયું છે.જેથી મા કાર્ડ ની સુવિધા થી વંચિત રહેલા યોગ્ય પરિવારો આનો લાભ લઇ શકે.