નાંદોદ તાલુકાના ખામર ગામના ઉતરતા ઢાળમાં ટ્રક કોતરમાં ઉતરી જતાં સર્જાયેલા અકસ્માતમાં ટ્રક ચાલકનું મોત નીપજયું છે. આ અંગે આમલેથા પોલીસ મથકમાં ફરિયાદ ઈ.ચા પોસઇ બી.આર.પટેલ આમલેથા એ આરોપી છોટેલાલ રામસેવક યાદવ (રહે,ધરવાસપુર, પો.કોલના જી. મીરઝાપુર ઉત્તરપ્રદેશ) સામે ફરિયાદ કરી છે.
ફરિયાદની વિગત મુજબ આરોપી છોટેલાલ પોતાની કબજાની ટ્રક નંબર આરજે 19 જીસી 0199 પૂરઝડપે અને બેફિકરાઈ રીતે ચલાવી રહ્યો હતો. ત્યારે વળાંકમાં સ્ટેરીંગ પરનો કાબુ ગુમાવી દેતા ટ્રક રોડની સાઈડમાં આવેલ કોતરમાં ઉતારી દેતા અકસ્માત સર્જાયો હતો. જેમાં પોતાને શરીરે ગંભીર ઈજા પહોંચતા તેનું ઘટના સ્થળ પર મોત નીપજયું હતું. આમલેથા પોલીસે અકસ્માત મોતના ગુનાની ફરિયાદ કરી કાર્યવાહી હાથ ધરી છે.
Advertisement
રિપોર્ટ : જ્યોતિ જગતાપ, રાજપીપળા
