નાંદોદ તાલુકાના માંડણથી બોરીદ્રા ગામ તરફના વળાંકમાં બે મોટર સાઇકલ અકસ્માતમા એકનું મોત નીપજ્યું છે જયારે એકને ગંભીર ઇજા થવા પામી છે.
આ અંગે રાજપીપલા પોલીસ મથકે ફરીયાદી શનાભાઈ દમણીયાભાઈ વસાવા (ઉ.વ ૨૦ ધંધો ખેતી રહે-ધાટોલી નિશાળ ફળીયુ તા-ડેડીયાપાડા જી.નર્મદા)એ આરોપી મોટરસાઈકલ નંબર GJ.2215514 નો ચાલક સામે રાજપીપલા પોલીસમા ફરિયાદ નોંધાવી છે.
ફરિયાદની વિગત અનુસાર મોટરસાઈકલ નંબર GJ.221.5514 નો ચાલકે પોતાની મો.સા પુર ઝડપે અને ગફલત ભરી રીતે હંકારી લાવી ફરીયાદીના છોકરાની મોટર સાઈકલ નંબર GJ.22.3991 ની સાથે એક્સીડેંટ કરી ફરીયાદીના છોકરા અરવીંદભાઈ શનાભાઈ વસાવા (ઉ.વ.૨૭ રહે- ધાટોલી તા-ડેડીયાપાડા જી.નર્મદાના) ને શરીરે માથાના ભાગે તથા કપાળના ભાગે તથા ડાબી આંખ પાસે તથા ડાબા પગે ગંભીર પ્રકારની ઈજાઓ પહોચતા તેનું ઘટના સ્થળ ઉપર મોત નિપજયું હતું તેમજ એક્સીડેન્ટ કરનાર મો.સા ચાલકને તથા બાળકને પણ શરીરે ઈજાઓ પહોચાડી ગુનો કરતા પોલીસે અકસ્માત મોતનો ગુનો નોંધી કાયદેસરની કાર્યવાહી હાથ ધરી છે.
જ્યોતિ જગતાપ, રાજપીપલા
