સુરતના ખટોદરા સ્થિત યુનિક મલ્ટીસ્પેશિયાલીટી હોસ્પિટલમાં દર્દીઓના સ્વાસ્થ્ય સાથે ગંભીર ચેડા થઈ રહ્યા હોવાની ફરિયાદ ઉઠવા પામી છે.

આ હોસ્પિટલમાં દર્દીઓને આપવામાં આવતા ભોજનમાં કીડા નીકળ્યા હોવાની ઘટના બાદ હોસ્પિટલની વિશ્વશનીયતા સામે પ્રશ્નાર્થો ખડા થવા પામ્યા છે. આ હોસ્પિટલમાં કેટરિંગ નો કોન્ટ્રાકટ આપવામાં આવ્યો છે. આજરોજ એક દર્દીને આપવામાં આવેલ ભોજનની થાળીમાં શાકમાં જીવાત નીકળતા હોબાળો મચ્યો હતો. દર્દીઓના પરિવારજનોએ આ અંગે હોસ્પિટલના સંચાલકોનું ધ્યાન દોરવાતા હોસ્પિટલ સંચાલકોએ ભેદી મૌન સેવતા મામલો વધુ વિવાદસ્પદ બન્યો હતો.જોકે પાછળથી સંચાલકોના વલણમાં નરમાશ આવતા કોન્ટ્રાકટર સામે પગલાં લેવા સંચાલકોએ આશ્વાસન આપ્યું હતું.યુનિક હોસ્પિટલમાં માં દાખલ દર્દી અશોક ગવાને ભોજન કરવા બેઠા ત્યારે જીવાત નીકળતા તેઓ નારાજ થયા હતા. તેઓએ જણાવ્યું હતું કે યુનિક હોસ્પિટલમાં ભોજનનું તગડું બિલ વસુલાય છે. પછી જો સારી ગુણવતા ન અપાય તો તેનો વિરોધ કરવો જ પડે.