વાંકલ : ઉમરપાડા પોલીસે ગફલતભરી રીતે વાહન હંકારનાર શખ્સની અટકાયત કરી

પ્રાપ્ત થતી માહિતી અનુસાર ઉમરપાડા પોલીસ પેટ્રોલિંગમાં હતી અને વાહન ચેકિંગ કરી રહી હતી તે વખતે ઉમરપાડા થી કેવડી જતા રોડ ઉપર પૂરઝડપે અને ગફલતભરી રીતે આવતી બાઈક(નં.જીજે-૧૯-એઆર-૬૦૧૪)ના બાઈકસવાર શખ્સને ઊભો રાખી તેનું નામ પુછતા પોતાનું નામ પ્રવીણભાઈ ગુરજીભાઈ વસાવા (ઉ.વ.૨૦) રહે.વંદન ફળિયું,ગામ મોટીબેડવાણનો રહેવાસી હોવાનું જણાવ્યું હતું.પોલીસે તેના પાસે બાઈક ચલાવવાનાં લાઇસન્સની માંગણી કરતા તેને લાઇસન્સ નહિ હોવાનું જણાવતા વાહન પુરઝડપે અને ગફલતભરી રીતે હંકારી લોકોના જીવ જોખમાય એ રીતે વાહન ચલાવવા બદલ તેની અટકાયત કરી હતી અને ગુનો દાખલ કરી કાયદેસરની કાર્યવાહી હાથ ધરી હતી.