ઉમરપાડા ગામે વડાપ્રધાન નરેન્દ્રભાઈ મોદીના જન્મ દિવસની ઉજવણીના ભાગરૂપે ઉજ્જવલા યોજના અન્વયે વિના મૂલ્યે ગેસ કનેકશન વિતરણ કાર્યક્રમ પૂર્વ કેબીનેટ મંત્રી ગણપતસિંહ વસાવાના અઘ્યક્ષપણા હેઠળ યોજવામાં આવ્યો હતો તેમજ સામુહિક આરોગ્ય કેન્દ્ર, ઉમરપાડા ખાતે પ્રાથમિક આરોગ્ય કેન્દ્ર, વડપાડા તથા કેવડી ની અદ્યતન સુવિધાવાળી રૂા.૩૦ લાખના ખર્ચે એમ્બ્યુલન્સ વાનનું લોકાર્પણ કરવામાં આવ્યું હતું.
કારોબારી અધ્યક્ષ રાજુભાઈ વસાવા, જિ.મેં. સદસ્ય દરીયાબેન વસાવા ઉમરપાડા તાલુકાના સંગઠન પ્રમુખ વાલજીભાઈ વસાવા, મહામંત્રી અર્જુનભાઈ વસાવા તથા અમીષભાઈ વસાવા, ઉમરપાડા તાલુકા પ્રમુખ શારદાબેન ચૌધરી, મામલતદાર ઉમરપાડા, ગેસ એજન્સીના પ્રતિનિધીઓ, ઉપપ્રમુખ વિપુલભાઈ વસાવા, કારોબારી અધ્યક્ષ મોહનભાઈ વસાવા, સદસ્ય તાલુકા પંચાયત, સરપંચ ડે.સરપંચો મોટી સંખ્યામાં કાર્યકર્તા આગેવાનો અને ગ્રામજનો હાજર રહયા હતા.
વિનોદ મૈસૂરિયા : વાંકલ
