કરજણ – ધાવટ ચોકડી પર એક વ્યક્તિના શર્ટના પોકેટમાં અચાનક મોબાઈલ સળગી ઉઠતા દોડધામ મચી જવા પામી હતી. દુનિયા આધુનિક ટેક્નોલોજીમાં જીવી રહી છે જેને ડિજિટલ દુનિયા તરીકે ઓળખ પ્રસ્થાપિત કરી છે. ટેક્નોલોજી દુનિયામાં અવનવા મોબાઈલ આવી રહયા છે. તેમાં મોબાઈલ માનવીના જીવન સાથે વણાય ગયો છે.
બીજી તરફ મોબાઈલ જીવતો બોમ્બ પણ ગણી શકાય છે અને મોબાઈલ ફાટવાથી ઘણા ખરા લોકો મૃત્યુ પામ્યા છે. વડોદરા જિલ્લાના કરજણ શહેર ધાવટ પાસે એક બાઈક સવારના ખિસ્સામાં અચાનક મોબાઈલ સળગી ઉઠતા અફરાતફરી મચી જવા પામી હતી. મોબાઈલ સળગી ઉઠતા તાત્કાલિક નીચે ફેંકી દેતા કોઈ જાનહાની ન સર્જાતા લોકોએ હાશકારો અનુભવ્યો હતો.
યાકુબ પટેલ, કરજણ
Advertisement
