વાલીયા તાલુકાના કોંઢ ગામે રહેતા મહંમદ બિલાલ અહમદ બેગ અંકલેશ્વર કાપોદ્રા પાટિયા ખાતે ચશ્માની દુકાન ધરાવે છે. ગતરોજ મહંમદ બિલાલ રાત્રે ૯ વાગ્યે તેમની દુકાનેથી પરત ઘરે આવી ઘરના આંગણામાં પોતાની માલિકીની ઇકો કાર પાર્ક કરીને સુઈ ગયા હતા. બીજે દિવસે સવારે તેમણે બહાર જોયું તો પાર્ક કરેલ ઈકો ગાડી જણાયેલ નહીં. આજુબાજુમાં તથા ગામમાં ઈકો ગાડીની તપાસ કરતા તે મળી આવેલ નહીં. આશરે રૂ. ૧,૭૦,૦૦૦ ની કિંમતની ઈકો ગાડી કોઈ અજાણ્યા ચોર ઈસમો રાત્રી દરમિયાન ડુપ્લીકેટ ચાવીથી અગર લોક તોડી ચોરી કરીને લઇ ગયા હતા, જેથી મહંમદ બિલાલ બેગે વાલીયા પોલીસ મથકમાં ગાડી ચોરીની ફરિયાદ લખાવતા પોલીસે ગુનો નોંધી તપાસ હાથ ધરી હતી.
ગુલામહુશેન ખત્રી રાજપારડી જિ.ભરૂચ
Advertisement
