ઝઘડીયાના તલોદરા ખાતે ભારતીય જનતા પાર્ટીની ટિફીન બેઠક યોજાઇ.

ભરૂચ જીલ્લાના ઝઘડિયા તાલુકાના તલોદરા ખાતે રવજીભાઇ વસાવાના ફાર્મ પર ભારતીય જનતા પાર્ટીની ટિફિન બેઠક યોજાઇ હતી. આયોજિત બેઠકમાં ઝઘડિયા વિધાનસભા બેઠકના પ્રભારી જનકભાઇ શાહ, પ્રેરકભાઇ પટેલ, રવજીભાઇ વસાવા, તાલુકા પંચાયત પ્રમુખ રીનાબેન વસાવા, ઉપપ્રમુખ પ્રકાશભાઇ દેસાઇ, કારોબારી અધ્યક્ષ રીતેશ વસાવા, ઝઘડિયાના ઉપસરપંચ અને જીલ્લા ભાજપા આદિવાસી મોરચાના મંત્રી વિનોદભાઇ વસાવા, તાલુકા ભાજપા મહામંત્રીઓ ભુપેન્દ્રસિંહ રાઠોડ અને કેતવ દેસાઇ, જીલ્લા પંચાયત સભ્ય વાસદીયા, ઝઘડિયા એપીએમસી ચેરમેન દિપક પટેલ, દિનેશ વસાવા,હિરલ પટેલ, નરેન્દ્રસિંહ રાજ, કેતન પાદરીયા, પ્રદેશ ભાજપા આદિવાસી મોરચાના મંત્રી શાંતિલાલ વસાવા, જીલ્લા ભાજપા વેપારી સેલ કન્વિનર સંજય ચૌહાણ,તાલુકા પંચાયતના સદસ્યો તેમજ કાર્યકરો ઉપસ્થિત રહ્યા હતા. જીલ્લા ભાજપા અગ્રણી જનકભાઇ શાહે ટિફિન બેઠકનું મહત્વ સમજાવ્યું હતું. ઉપરાંત બેઠકમાં પેજ સમિતિને લગતી કામગીરી બાબતે પણ ચર્ચા કરવામાં આવી હતી. ઉપરાંત આગામી વિધાનસભાની ચુંટણીને અનુલક્ષીને સંગઠન મજબુત બનાવવાની વાત પર ભાર મુકવામાં આવ્યો હતો.

ગુલામહુશેન ખત્રી રાજપારડી જી.ભરૂચ